LINDA Á ESPREITA

Linda é unha vaca diferente ás demais. Cada mañá, mentres a muxían, a vaca Linda fitaba nerviosa e impaciente cara ao exterior da granxa. Porque había algo que a Linda lle gustaba máis ca nada no mundo. O seu maior pracer consistía en meterlle un susto ao carteiro e escorrentalo da granxa. Cada día, Linda agachábase nun sitio distinto e sempre conseguía o seu obxectivo, ata que o pobre carteiro remataba desquiciado e incapaz de seguir co seu traballo. No entanto, haberá alguén ao seu carón que o axudará...

Linda visitounos o pasado xoves  da man de Iago, un contacontos, cun libro grande, moooi  grande que conseguiu crear un ambiente de expectación total no que non perdemos o máis mínimo detalle da historia de Linda: entrañable, divertida e xoguetona.

Ghegou An Alfaya, e con ela o aroma de liquidámbar.

"Miro non sabía que Susana estaba no cárcere, e Daniel devecía de pena porque Adelaida marchara a Guatemala para coidar da súa avoa enferma. Os dous estranaban as súas nais; no entanto, uníronse na espera, compartindo segredos, animados pola harmónica de Humberto e a guitarra de Fermín, fartos do mal xenio de Manuela ou mortos de risa cos inventos de Vicente. Unha rosa fresca no cuarto de Susana mantiña viva a súa presenza no corazón de Miro; os recendos das herbas perfumadas de Adelaida, e sobre todo o aroma do liquidámbar, recordábanlle a Daniel o espírito feiticeiro da súa nai, e mais o de Violeta, a súa centenaria avoa." 

Desta e doutras historias veu falar  a escritora AN ALFAYA, a pasada semana, ao alumnado de 4º de primaria. Aprendemos e divertímonos escoitando. Grazas An e grazas Bulebule por convidala.

ABRIL AZUL

Ás veces a cor azul é brillante como o mar nun día de verán. E outras veces, ese azul escurece como o mar en tempestade. É un pouco o que sucede con persoas e familias que se encontranpercorrendo este camiño con tantos desafíos". 

A frase, escrita por pais con fillos diagnosticados con autismo, forma parte da campaña para conmemorar no país o Día Mundial da Concienciación sobre o Autismo. O azul é, xustamente, a cor elixida en todo o planeta para falar do tema. Calcúlase que, de cada 110 nacementos, un dos bebés será diagnosticado con esta patoloxía.

Nós queremos aportar o noso pequeno gran.

2 de ABRIL

2 DE ABRIL:

 DÍA DO LIBRO INFANTIL E XUVENIL 

Desde 1967 celébrase nesta data o Día Internacional do Libro Infantil e Xuvenil, coincidindo co nacemento do escritor danés Hans Christian Andersen.

                  

21 de marzo: Día Mundial da Poesía

21 de marzo: Día Mundial da Poesía
Cada 21 de marzo, co equinocio de primavera, celébrase o Día Mundial da Poesía.

A UNESCO proclamou este día querendo homenaxear ás persoas que, só coa palabra como ferramenta, intentan mellorar o mundo.

• Escritura creativa para Primaria; caderno de Andrés Díaz Marrero para traballar poesía, drama e relato.
• Guía de lectura de Gloria Fuertes do CEPLI (Centro de Estudios y Documentación de Promoción de la Lectura y Literatura Infantil)
• La poesía en el aula. Trabajo realizado por el Grupo escuela.
• Antoloxías:

• Antología poética multimedia.
• Portal de poesía.
• Índice de poetas. 
• Poesía ilustrada.
• Son dos poetas.
• Orella pendella, ditos, recitados e cancións infantís.

• Dende Leer.es proponnos:

• Dos poemas sobre besos, Catulo y Salvat Papasseit. La comparación de textos. Docentes - Estudantes - Solucionario.
• Taller de haikus. Docentes - Estudantes.
• La palabra, Pablo Neruda; Rosa Aradra. Docentes - Estudantes -Solucionario.
• La greguería y la imagen en la poesía española de los años 20; Felipe Zayas. Docentes - Estudantes.
• “Tyger”. Interpretar un poema multimedia. Docentes - Estudantes -Solucionario.

 
    

CONCURSO MARCAPÁXINAS " DÍA DO LIBRO"

CONCURSO DE MARCADORES DE LECTURA

Organizado por Bulebule para celebrar o Día do Libro (23 de abril)

BASES

1. O motivo do marcapáxinas consistirá nun debuxo relativo á literatura ou á lectura. Ademais poderá incluir algunha frase, poema ou lema alusivos.

2. O formato para a realización do marcador será facilitado polos titores.

3. Cada alumno participante só poderá presentar un traballo.

4. A técnica é libre: lápices de cores, rotuladores, acuarela, témpera, ceras, etc…

5. O nome, apelidos e curso do alumno concursante deberá figurar no reverso do marcapáxinas.

6. Os traballos serán recollidos polos titores.

7. De entre os traballos  elixirase un gañador que será reproducido e distribuido entre os alumnos e os profesores do Colexio.

8. O prazo de presentación dos traballos finalizará o día 5 de abril.

PARTICIPADE !!!

Visita de Xabier P. Docampo

O pasado luns 11 tivemos a sorte de contar cunha visita especial: Xabier P. Docampo, que nos veu contar historias e falar do libro que lemos: 

  Así fala el de si mesmo no seu Blog:  

 “ Nacín chairego e fillo de chairegos o 5 de abril de 1946 en Rábade (Lugo). Aos meus sete meses trasladámonos a Castro de Ribeiras de Lea, de alí era miña mai —meu pai de Xermar (Cospeito)—, onde fun por primeira vez á escola. Pasando por enriba da etapa máis interesante da miña vida, a infancia, no comezo da adolescencia a familia enteira trasladouse a vivir á Coruña onde estudiei o bacharelato e maxisterio, sen perder nunca o contacto coa Terra Cha a onde regresabamos en calquera oportunidade por curta que fose a estancia.

     Traballei como mestre en varios colexios e durante oito anos en Preescolar na Casa. Estiven sempre relacionado cos movementos de renovación pedagóxica.

     Pertencín ao Consello de Redacción da Revista Galega de Educación. Dei cursos a profesores e lin ponencias en congresos sobre a didáctica da lingua e a literatura, sobre a lectura e a súa implantación escolar e social, sobre a narración oral, a súa estructura, a súa influencia na literatura escrita e a súa utilización didáctica, tanto en Galicia coma fóra. Estas actividades de reflexión sobre da narración oral, a escritura e a lectura leváronme a participar como conferenciante en eventos sobre tales temas en América en diversas ocasións.

     Escribín libros de texto para a escola e textos de ensaio didáctico e pedagóxico.

     Fun actor e director de teatro. Traballei durante sete anos en Radio Nacional de España en Galicia como guionista e como director de programas de diverso tipo e formato. Tamén escribín e dirixín obras para vídeo e para televisión. Dei cursos a profesores sobre a utilización didáctica de ambos medios.

     Durante un tempo fixen diferentes actividades de narración oral en distintos lugares de Galicia e de fóra.

     Participei na creación da Asociación Galega do Libro Infantil e Xuvenil (GALIX) na que pertencín durante cinco anos á súa xunta directiva, dous deles como presidente.

     Durante tres anos fun columnista semanal na prensa diaria.

     Polos meus libros déronme algúns premios:

     Premio "Feira do Libro de A Coruña, 1989", polo conxunto da obra narrativa.

     Premio "Emilia Pardo Bazán" do Ministerio de Educación.

     Premio "Rañolas 1994" á mellor obra de Literatura Infantil e Xuvenil en Galicia.

     "Premio Nacional de Literatura Infantil y Juvenil 1995".

     "Honourl List IBBY 1996".

     "The White Ravens 1997" de la Jugendbibliothek de Munich.

     Premio "Lecturas" da Asociación do Libro Infantil e Xuvenil de Galicia (GALIX) de 2004.

     "The White Ravens 2005" da Jugendbibliotethet de Munich.”

. 

Podedes ver un resumo da súa visita no seguinte video:

25 SEMANA DA PRENSA NA ESCOLA

Do día 11 ao 15 celebramos a Semana da Prensa na Escola, unha conmemoración que este ano chega á súa 25ª edición e que contou desde o seu inicio co respaldo da comunidade educativa da comunidade.

A proposta que vos fai Bulebule é que cada un de vós  imaxine , deseñe e redacte a  portada coas novas que lle gustaría espertarse mañá. Pensádeo!!!

Podedes entregar as  vosas portadas na Biblioteca.

Se queredes saber máis sobre este tema, A PRENSA NA ESCOLA, premede nas seguintes imaxes:

 

ENCONTROS BIBLIOTECAS ESCOLARES

Encontros do Plan de mellora de bibliotecas escolares 2012/2013

O 7 e 8 de marzo tiveron lugar en Compostela os Encontros do Plan de mellora 
de bibliotecas escolares, unha actividade de formación organizada conxuntamente
 polo Servizo de Formación do Profesorado (CAFI) e pola Dirección Xeral de
Centros e Recursos Humanos (Asesoría de bibliotecas escolares), da Consellería
 de Cultura, Educación e Ordenación Universitaria, coa colaboración do Ministerio
 de Educación, Cultura e Deporte.

Estes encontros responden á vontade da consellería de reunir, unha vez máis,
 ao profesorado que coordina os equipos de biblioteca dos centros integrados no
 Plan de mellora de b.e (PLAMBE), un programa que procura, desde o ano
 2005, a transformación das bibliotecas escolares en auténticos centros de recursos
 para a lectura, a información e a aprendizaxe, e no que ten sido decisiva a creación
 de vínculos profesionais entre os integrantes deste colectivo.  

Ainda que se trataron aspectos diversos relacionados cos servizos e o papel das
 bibliotecas escolares nos centros educativos, fíxose fincapé na función destas
 bibliotecas como compensadoras de desigualdades sociais, aspecto que cómpre
 salientar nun momento en que as diferenzas no acceso aos recursos culturais pode
 medrar. Outro dos aspectos destacados foi a alfabetización mediática e
 informacional, un contido imprescindible para o alumnado que medra na sociedade da información e que ten na
 biblioteca escolar un aliado natural.

TODOS OS DÍAS SON 8 DE MARZO

O día 8 de marzo celébrase o DÍA INTERNACIONAL DA MULLER TRABALLADORA. 

É unha data que serve de pretexto para denunciar as carencias que todavía existen no camiño hacia a igualdade entre homes e mulleres, unha desigualdade que segue sendo patente en moitas partes do mundo.

No blog "Aprendemos a convivir" de Rocío Méndez, mestra de Pedagoxía Terapéutica, atopamos este vídeo que elaborou o Departamento de Orientación e o Equipo de Dinamización da Lingua Galega do seu centro, sobre a historia da muller galega ao longo do tempo, dende as mulleres druídas ata a actualidade.

Preme na seguinte imaxe:

Tedes, clicando nas seguintes imaxes, acceso a actividades sobre o tema:

No Ceip Milladoiro, de Malpica, tamén fixeron unha moi boa selección de contidos e actividades para coñecer e celebrar tal data. Premede na seguinte imaxe e comprobádeo:

  

  Bulebule quérevos  deixar tamén unha pequena selección de libros coa mesma temática. Non deixedes de ler!! 

Para rematar un video con máis información sobre a celebración de hoxe:

NORABOA A FINA CASALDERREY !!

Xa nos visitou en varias ocasións, por iso xa a consideramos amiga e sentimos a necesidade de felicitala por entrar a formar parte do plenario da Real Academia Galega.

O Plenario da RAG conta con 27 membros dos 30 posibles porque hai outras dúas prazas que aínda non foron cubertas. Xosé Fernández Ferreiro e Pegerto Saavedra aínda non tomaron posesión do seu posto e o seu ingreso producirase nos vindeiros meses. Dos 30 só 5 son mulleres, unha circunstancia que segue espertando criticas e que a institución se comprometeu a corrixir.

Lembrades algunha das súas visitas?. Preguntádelle a Bulebule... ou consultade o LIBRO DE VISITAS da biblioteca.

Breve biografía:

Exerceu como mestra dende os dezanove anos, xubilándose no 2011 como profesora de ensino secundario. Foi no ensino onde comezou a crear e dirixir pezas teatrais representadas polo seu alumnado, algunhas recollidas en Edicións Xerais.

Unha das súas inquedanzas é a investigación etnográfica, onde gañou concursos diversos premios co seu alumnado. Outra inquietude é agastronomía, e así publicou, xunto con Mariano García, O libro da empanada, Festas gastronómicas de Galicia e Repostería en Galicia.

Colabora na prensa, revistas, congresos, xurados, pregóns, charlas-coloquio, mesas redondas... sobre literatura, gastronomía, entre outros temas.

En 1991 deuse a coñecer no mundo das publicacións coa novela xuvenil Mutacións xenéticas. No ano 1996 foille concedido o Premio Nacional de Literatura Infantil e Xuvenil coa novela O misterio dos fillos de Lúa. A maior parte da súa obra está traducida ás linguas peninsulares, isto é, ao catalán, éuscaro, asturiano, aragonés, castelán e portugués.

En 2013 foi elixida membro da Real Academia Galega, ocupando a vacante deixada por Xaime Illa Couto.

ATA SEMPRE PETEIRO!!

O artista coruñes faleceu aos 53 anos de idade. Durante os últimos 30 anos protagonizou unha trintena de exposicións individuais por todo o pais. A súa obra forma parte da iconografía da cidade herculina onde iniciou a súa carreira. Espazos emblemáticos como a entrada da casa dos peixes da Coruña contan con algunha das súas creacións.  Ata sempre!!!

DÍA DE ROSALÍA

             

Deixámosvos a continuación, un gloster feito polos compañeiros da Biblioteca do CEIP Saco e Arce de Toén    onde podedes atopar información e actividades sobre Rosalía de Castro. Para acceder a el premede na imaxe:

CELEBRACIÓN DÍA DA PAZ

Para a conmemoración do DIA DA PAZ, aínda que conscientes de que o día da paz  son todos os días, confeccionamos un arco da vella con cartóns de leite decorados polo alumnado. Cada nivel preparou unha canción de temática pacifista e un manifesto reclamando unanimemente A PAZ.

Deixámosvos unhas imaxes como mostra do noso acto.

Seleccionamos o seguinte video de músicos da rúa, xa que a súa temática está relacionada co día de hoxe e ademáis todos sabemos que a paz ten múltiples expresións e debe encher as nosas accións e polo tanto as nosas vidas.

Olládeo con atención, e escoitádeo!!!