Enquisa biblioteca

 Por favor, queremos saber a vosa opinión. Para iso realizamos esta enquisa, tedes de prazo para facela ata o 29 de maio. Grazas pola vosa participación.

https://forms.gle/FJEvdSQXoHCN3iHdA

Copia o enlace nunha nova pestana. Grazas

Visita do rato Fuco

 Fai uns días tivemos a sorte de que o rato Fuco nos visitara coa obra : " Eu son inspector urbanístico: coida do territorio, coida do teu" . Os nenos e nenas de infantil pasárono xenial .

Escape room

 

Na biblioteca vivimos unha experiencia moi emocionante cun escape room cheo de pistas e desafíos. Os nenos e nenas pasárono xenial descubrindo cada palabra escondida nos libros e traballando en equipo para resolver as probas. Ao final, cada un levou un marcapáxinas creado pola rapazada do cole.

Foi una actividade divertida, creativa e moi especial para todos!

Animadora santillana

Tivemos a sorte de contar con Victoria que nos fixo desfrutar dunha xornada chea de teatro.

 Grazas por achegar a cultura, a literatura e o teatro dunha forma tan divertida e especial. Agardamos poder volver contar contigo noutra ocasión

Visita autores

 A semana pasada tivemos a sorte de desfrutar da visita de Chinto, veu porque os rapaces e rapazas de 3º leron "Cámbiache o conto". Foi unha gran sorte que puidera vir e a rapazada desfrutou moito.

Grazas

Apadriñamento

 Momentos máxicos para maiores e pequenos...

As lecturas compartidas ou apadriñamentos  o día do libro no patio nos que o alumnado de 3º, 4º, 5º e 6º leu contos aos pequenos e pequenas de infantil e 1º ciclo son deses momentos tenros, que nos deixan o corazón cheo de ledicia.

Día do libro

 

O CEIP Isaac Díaz Pardo estrea torneo de xadrez cun éxito total

 Con moita ilusión celebramos no CEIP Isaac Díaz Pardo o primeiro torneo de xadrez do cole.

 A participación foi todo un éxito: taboleiros cheos, moita concentración e un ambiente inmellorable.

Queremos darlle os parabéns a todos os nenos e nenas que participaron por demostrar tanto esforzo, deportividade e ganas de aprender.

E, por suposto, a nosa enhoraboa máis especial para os gañadores desta primeira edición

!Grazas ao alumnado e ao profesorado por facelo posible. Xa estamos desexando que chegue o próximo torneo!

Visita de Carlos Meixide

Hoxe tivemos a sorte de recibir no noso cole a Carlos Meixide.

Ao rematar, Carlos asinou os libros de todos os nenos e nenas, deixando un recordo moi especial deste día.

Nós tamén quixemos agradecerlle a súa visita cun detalle moi especial.

Foi unha xornada chea de ilusión, aprendizaxe e emocións, que quedará gardada na nosa memoria como unha experiencia moi especial arredor da lectura.

Moitas grazas, Carlos, pola túa visita.

Día do Cómic

 Hoxe no día do cómic.

 Na biblioteca temos unha exposición de libros de banda deseñada e o alumnado que colliu hoxe un cómic de préstamo leva de agasallo unha pegatina. A ler!

Campionato de xadrez

 Hoxe demos comezo ao campionato de xadrez na ludoteca. Apuntáronse moitos alumnos e alumnas. Moita sorte a todos os participantes.

Semana da prensa

Comeza a semana da prensa na escola. A través dela queremos que os alumnos sexan capaces de usar a prensa como un recurso didáctico que facilite o desenvolvemento das súas actitudes e destrezas persoais, tales como a creatividade, a educación para o lecer, o estudo do medio e a inserción en grupos e servizos sociais, así como toda clase de opcións das que o xornal se fai eco cada día nas súas páxinas.

Día Internacional da Muller

 Hoxe conmemoramos o Día da Muller. Temos unha exposición de libros na biblioteca. Botádelles unha ollada.

Rosalía de Castro

 Aquí tedes tamén o vídeo. Grazas

Día de Rosalía de Castro.

Desde o cole quixemos homenaxear a Rosalía de Castro, a gran poetisa e novelista galega do S. XIX, centrándonos na estrela que ten no universo. Para iso collimos a constelación onde está a estrela de Rosalía e cada neno fixo un debuxo inspirado na figura que forma dita constelación. Tamén gravamos un vídeo entre todo o alumnado e o visionamos hoxe pola mañá. Aquí déixovos unha pequena mostra dos debuxos.