Bulebule pola biblio

27/3/20

Contacontos dende o Isaac

Agora vos recomendamos unha contacontos ben cercana. A nosa mestra de AL Esther animouse a compartir no seu blog contos narrados por ela, ademáis de moitas outras actividades interesantes que vos poden dar ideas para facer nestes tempos.

Aquí vos deixamos o enlace!!

Disfrutádeo en familia e facédenolo saber polos comentarios!!

24/3/20

21 de marzo, Día da poesía

O 21 de marzo conmemórase o Día Internacional da poesía, este ano esta situación tan especial que estamos vivindo fixo que a actividade que estaba programada para levar a cabo no centro non se puidese facer. Por iso, vos propoñemos outra diferente na que sí podemos participar todos dende as nosas casas.

Creamos un espacio web: Coapoesiaenredoeu onde queremos posibilitar que os nenos que queiran poidan participar no concurso "Un poema na túa voz" que a Asociación Galega do Libro Infantil e Xuvenil (GÁLIX) convoca coa ocasión do Día Internacional do Libro Infantil.

A idea é que cada neno escolla un poema escrito en galego, procurando non repetirse, e prepare o seu recitado.

O máis importante e gravar o audio do recitado en formato .mp3.

Este audio enviarase ao correo bulebule@ceipidp.net xunto cun documento que recolla:

- Autor/a do poema
- Texto do poema
- Nome de quen o recita
- Unha imaxe para ilustar o poema, pode ser un debuxo feito polo alumno, unha foto... pero que teña boa calidade.

A maiores, quen queira participar no concurso de GÁLIX ten que enviar nese correo a autorización que está neste enlace.

Os audios recibidos colgaránse no blog, aquí vos deixamos algún exemplo, que fixeron os mestres o
poema de Xoanca e o poema de Patricia.

Animádevos a participar e encher a rede coas vosas voces, deste xeito poderémonos escoitar na distancia!

Máis contos sobre o coronavirus

Seguindo coa temática e co obxectivo de que os nenos comprendan mellor o que está sucedendo, achegámosvos varios contos que circulan polas redes.

Covibook

Se clicades na foto lévavos directamente ao pdf do conto. A autora María Molina comparte este libro corto para que os nenos de entre 2 e 7 anos poidan entender o virus COVID- 19 e acompañalos no seu mundo emocional.

O nome do conto enlázavos coa páxina onde está colgada toda a información e ademais o conto en distintos idiomas.

Misión quedarse en casa

Esta outra opción é un libro coloreable que tedes dispoñible tamén en varios idiomas na web.

Dalmaus, o seu autor, ofrécenos un conto en viñetas para colorear que axuda a entender aos máis pequenos a importancia de quedarse na casa. Clicando na imaxe lévavos ao conto en galego, e se queredes visitar a súa web o enlace está no título do libro.

Las manos de José

Las manos de José é un conto de aprendices visuales, que nos explica con pictogrmas como debemos lavar as mans. Na súa páxina web, enlazada no título, tedes máis información e incluso unha aplicación gratuíta para descargar.

Bailaremos bajo una estrella

Este conto rimado danos información sobre o COVID- 19, pero tamén transmite unha mensaxe esperanzadora sobre o valor da vida.

Coronavirus no es un príncipe ( ni una princesa)

Aquí vos deixamos un enlace a un conto escrito para explicarlle aos máis pequenos quen é ese coronavirus e toda esta situación que nos rodea.

Escrito pola periodista María Coco e con ilustracións de Sara Ramírez.

20/3/20

Contacontos na cuarentena

Nestes tempos de estar na casa, hai moita xente que está a compartir nas redes milleiros de contos para ver e disfrutar. Bulebule deixavos aquí unha serie de enlaces para que poidamos seguir desfrutando da lectura dende a nosa casa!

Queda menos para poder volver a vernos pola biblio.

- Contos con títeres. Nesta conta de Youtube colgan un novo vídeo cada día, ademais teñen moitos máis.

- Contacontos diario dunha mamá contadora de contos.

- Sonia Hermida tamén se anima a contar un conto a diario , en O mundo ao revés. Aquí temos opcións tamén en galego.

- O Colectivo NOGA tamén se une a este reto con publicacións diarias de narracións de contos e ademais PARA DIFERENTES IDADES!!! E en galego.

- Urdime videos está a colgar na súa conta de Youtube diferentes obras de teatro ou concertos moi interesantes, para pasar un bo rato dende a casa. Tendes opcións de Mamá Cabra, Magín Blanco..

- Unha mestra que vai colgando vídeos contando contos na súa canle de Facebook.

- A canle da editorial Kalandraka tamén ten unha boa colección de contos.

- A editorial OQO ten tamén moitos dos seus contos en videoclips.

11/3/20

Programación infantil das bibliotecas do concello

Deixovos aquí a programación para o mes de marzo das bibliotecas do noso concello, Actividades gratuitas, nas bibliotecas do Burgo e Vilaboa!

A desfrutar da lectura!

Visitas de autores

Marzo tamén estivo cargado de encontros:

O día 5 veu Chinto a visitar aos nenos de terceiro, veu compartir un anaco con eles e falar sobre o seu libro: "Cambiache o conto" un libro realmente recomendado tanto para ler e como para traballar na aula. Aquí vos deixo a súa adicatoria:

Para animar aos nenos de Infantil na lectura veu ao centro O mouro Moure e coa súa guitarra fixo que todos estivesen moi atentos as súas historias ao mesmo tempo que aprenderon moitas cousas sobre os árbores que nos arrodean.

Os nenos de primeiro e segundo tiveron a sorte de poder coñecer a Fina Casalderrey, os nenos de segundo prepararon a lectura de Quen me quere adoptar?, e os nenos de primeiro leron E ti, que farías por min? e a Furgoneta branda. Tres lectura moi distintas entre sí, pero igualmente intersantes para pequenos e grandes. Foi un placer compartir un anaquiño de tempo con Fina, que é "escritora porque hai xente que le os seus libro" (segundo a súas propias palabras). Asique toca seguir lendo para que ela sigua escribindo.

En febreiro Bulebule estivo moi visitada tamén, o día 13 tivo a sorte de coñecer a Mónica Rodríguez que veu charlar cos nenos e nenas de 4º sobre o seu libro Kerida Azubá; todos quedaron moi contento. Mónica por todo o traballo dos nenos, aquí vos deixo a foto, e os rapaces por poder coñecela. Moitas grazas por visitarnos!!

O martes 18, no medio do entroido e co cole cheo de doces veu Sabela Gago a ter unhas sesións de animación a lectura cos nenos e nenas de infantil! Moitas gracias a Sabela por volver a visitarnos e a ver se o póximo ano tamén contamos contigo! Moreas de bicos para ti tamén!!

No mes de xaneiro, o alumnado de sexto tivo a gran sorte de poder contar coa visita e expericiencia da recoñecida cantante de ópera Iria Rajal, que lles veu dar unha charla da man do Proxecto Loba que tivo lugar o curso pasado. Os nenos quedaron abraiados!

Moitas grazas pola adicatoria:

O mes de novembro foi un mes con moito movemento pola biblio e Bulebule non parou de recibir visitas que crearon un clima de fomento de lectura no cole.

Neste mes o alumnado de infantil contou coa visita da contacontos, A Dragona Ramona, unha visitante fiel ao noso cole os da contorna. Coma sempre os nenos quedaron moi contentos:

Tamén da man do concello os nenos de segundo de primaria puideron escoitar uns contos da man do gran Caxoto, que os deixou a todos con ganas de escoitar máis sobre esa caixa de cores.. Porque este Doctor Tilla sabeo facer moi ben!

Aquí deixamos a adicatoria que Caxoto nos deixou de recordo!

Moitas grazas aos dous! E tamén ao concello por facer posibles estas actividades.

Día de Rosalía

Como non podía ser doutro xeito Bulebule non se esqueza de celebrar o 24 de febreiro, este ano todo o centro pasou pola bilbioteca para aprender máis cousas sobre Rosalía de Castro. Ademais, todas as aulas prepararon un fragmento de "Adeus ríos, adeus fontes..." que se gravou en video; e o 28 de febreiro puidemos desfrutar da montaxe deste video.

11/2/20

Febreiro

Este mes de febreiro está sendo moi activo!

Empezou recibindo aos nenos de terceiro para facer un obradoiro sobre a Resolución Pacífica de conflitos, despois de traballar anteriormente na aula. Bulebule observou todas as actividades moi atentamente e gustoulle moito o ben que se portaron:

O 11 de febreiro celebramos o Día Internacional da muller e a nena científica, se non o coñecíades aquí vos deixo a web onde hai máis información sobre este día. Nós tivemos a gran sorte de que veu ao cole, o día 10 e 11, unha científica moi próxima a nós, xa que forma parte da nosa comunidade educativa sendo nai de dous alumnos do centro.

Os cursos de 5 anos, 1º, 3º. 4º, 5º e 6º de primaria puideron desfrutar dunha charla moi amena sobre a importancia da celebración deste día. Aquí vos deixo unha mostra.

Esperamos que sexa unha actividade a repetir nos vindeiros cursos!! Mil grazas Tamara.

O día 13 visitounos a autora Mónica Rodriguez da que desfrutaron os rapaces e rapazas de cuarto, despois de ler o seu libro Kerido Azubá. Quedaron todos moi contentos, a escritora por todas as preguntas recibidas e o seu recibimento, debaixo vos deixo a foto, e os nenos ao poder coñecela! Graciñas Mónica!

O que resta de mes seguiremos inmersos no entroido!! Esta semana, ata o 14, estades a tempo de traer a vosa carauta para o concurso!

O póximo martes 18 será a degustación de doces e o venres faremos o gran desfile de entroido coa temática dos xogos!

Este martes 18 tamén contamos ca visita de Sabela Gago quen fixo unhas sesións de animación á lectura cos nenos de Infantil. Moreas de bicos para Sabela tamén, e a ver se nos volvemos a ver para o ano!!

Aquí vos deixo a súa firma.

A pasalo ben.

6/2/20

Xaneiro

Neste mes o alumnado de sexto tivo a gran sorte de poder contar coa visita da recoñecida cantante de ópera Iria Rajal, que lles veu dar unha charla da man do Proxecto Loba, que tivo lugar o curso pasado. Os nenos quedaron abraiados! Podedes ver a súa adicatoria aquí xunto coas outras visitas deste curso.

A actividade que nos mantivo entretidos todo xaneiro foi o Día Escolar da Paz e da non violencia. Este ano decidiuse que os cursos máis altos preparasen lecturas para os máis pequenos, que se foron lendo clase por clase.

Algunhas das lecturas escollidas foron:
- Un can e un gato
- Un chocolate muy especial
- La escuela secreta de Nasreen

Houbo aulas que incluso se atreveron coa dramatiación de pequenas obras de teatro como "El sartenazo" na súa versión traducida "O tixolazo".

Todos os contos tiñan diferentes contidos pero querían facer reflexionar aos pequenos sobre os valores a traballar neste Día da paz, non pelexar, a igualdade de oportunidades para todos, non ao racismo ou saber perdoar.

Ademais, cada neno trouxo unha pedra ao cole e o 30 de xaneiro fixemos varios obradoiros para decorar as pedras, e os resultados foron asombrosos. Estas pedras formaron o símbolo e a palabra paz na entrada do colexio para que estivese a vista de todos.

Así quedou o panel da entrada decorada como non podía ser doutro xeito con pombas da paz, palabras que crean paz e ademais a letra da canción de Quérote máis (se non a coñecedes aquí tedes o enlace aun videoclip ben bonito). Canción que traballou todo o cole e que acabamos cantando e bailando todos xuntos ao remate do día.

4/2/20

Decembro

Así de bonito quedou este ano a nosa entrada polo Nadal , despois de todo o traballo dos nenos de Infantil.

Ademais todo os nenos crearon a súa propia postal navideña, incluindo na mesma guiños ao tema do proxecto deste ano: "Os xogos". Aquí unha mostra das gañadoras.

Dende a biblio do Isaac e coa nosa árbore de libros donados desexámosvos Bo Nadal e Feliz 2020!

25 N

Para conmemorar o Día Internacional contra a Violencia de Xénero, este ano o centro e a biblioteca teñiuse de violeta e cantou " La puerta Violeta" de Rozalén.

Para quen non a coñeza aquí queda o enlace.

Na biblio, alumnado de varios cursos, ademais fixo un pequeno taller para entender a letra desta canción e creamos as nosas mans violetas con palabras en contra desta violencia de Xénero.

20/11/19

Recopilación de contos de medo

Como é tradición, os axudantes da bibliteca deste trimestre axudaronnos a crear un rincón de libros de medo dentro da nosa biblioteca.

Este ano quedou moi terrorífico:

Samaín e magosto

Para a celebración do Samaín dende a biblioteca coa colaboración do Equipo de Dinamización Lingüística organizamos un concurso de debuxo para que os nenos crearan os monstros máis terroríficos.

Aquí unha mostra do resultado:

17/10/19

Mochilas viaxeiras

As mochilas viaxeiras xa están viaxando entre as familias e o centro, xa sabedes que todos imos a levala uns días para casa para poder disfrutar de todo o seu contido en familia.

Este ano, como o proxecto da biblioteca é o xogo cada mochila leva un pequeno xogo de mesa para xogar en familia. Ademais pedimos a colaboración de todas as familias porque Bulebule quere aprender moitas cousas sobre os xogos populares de pais, nais, avoas e avós.

Deixamos aquí os enlaces onde podedes subir os arquivos. Recordade que si subides vídeos non se pode identificar ningunha cara. Esperemos que sexa unha actividade do voso interese.

FAMILIAS DE INFANTIL

Enlace para subir arquivos:

https://drive.google.com/drive/folders/1KElZInVcQqC2asc7qnN9Gm1FknTGHsjE

Email para enviar arquivos: infatilisaacdiazpardo@gmail.com

Enlace para ver arquivos:

https://drive.google.com/open?id=1aaMbNE6ubUpG6p1rYHbJJSFnNsA7Ox13