Papagaio dixital

O periodico Papagaio que temos dispoñible na biblioteca tamén está en formato dixital. 

Aquí vos deixamos os últimos números de Abril e Maio.

Seguimos descubrindo os tesouros da nosa lingua

Gracias ao profe Xoanca, podemos seguir aprendendo a riqueza da nosa lingua. 

 Animádevos a xogar e descubrir novas palabras!


Para ver máis cousas interesantes só tedes que dar unha volta polo blog de 5ºB. Aquí vos deixo o enlace.

Disfrutade do noso!

Enquisa sobre a biblio para o ALUMNADO

Padlet de GALIX (Asociación Galega do Libro Infantil e Xuvenil)

 GÁLIX achéganos este padlet cunha selección dinámica de iniciativas de diversos colectivos para axudarnos a pasar a corentena con crianzas.

GÁLIX é a Asociación Galega do Libro Infantil e Xuvenil, unha asociación sen ánimo de lucro que se move por visibilizar e promover a cultura e a lingua galegas a través da literatura infantil e xuvenil. É a sección galega da OEPLI, a Organización Española para o Libro Infantil Y Juvenil; sección española do IBBY, International Board on Books for Young People

O cole non para

Aínda que estemos dende a casa todos estamos a traballar un montón, deixámosvos un par de exemplos.

Os nenos de segundo crearon cos seus debuxos rúas e edificios con nomes relacionados con Ricardo Carvallo Calhero. Aquí vos tedes o vídeo:

A rapazada de quinto B tampouco para, mírade cantos contos temos aquí narrados por eles memos, para así ter presente o noso Así como cho conto.



Escucha "Enrolados" en Spreaker.



Moi bo traballo de todos. 
Seguimos compartindo!!

O tesouro da nosa lingua

Deixámosvos un xogo, creado polo profe Xoanca, para aprender a valorar a riqueza do vocabulario da nosa lingua. 

Xogade e disfrutade das marabillas do noso idioma.

Creacións polo día das Letras Galegas

Aquí vos deixo un vídeo co traballo dos nenos de segundo en homenaxe á obra As pitas baixo a choiva de Ricardo Carvalho Calero.

Semana das Letras Galegas- Ricardo Carvalho Calero

Letras Galegas 2020

Deixámosvos unha recopilación de recursos para homenaxear a 
Ricardo Carvalho Calero. 

Máis lectura en galego

Día mundial da danza

Seguindo coas celebracións mañá 29 de marzo celébrase o Día Mundial da Danza, e Lara ten unha proposta para todos vós:


A tarefa/reto desta semana é para todo o alumnado do cole, é moi doada e  consiste en enviar un vídeo bailando ao correo electrónico laraval@ceipidp.net . 
Cómo?:

- En familia, sós ou soas, en parella, agarrados, soltos...
- Podedes saír disfrazad@s, tunead@s... imaxinación ao poder!
- O vídeo terá unha duración de 15 segundos.
- Lembrade que o móbil que grave sempre estará en posición horizontal.
- Podedes escoller a música que mais vos preste: clásica, moderna, tradicional...

Ademais para a rapazada de 5º e 6º, déixovos unha tarefa para que me enviedes ao meu correo: FORMULARIO DANZA
  
                                  💃💃💃💃💃💃💃💃💃💃💃💃💃💃💃

Tedes ata o martes da semana próxima para enviar os vosos vídeos. 

Tedes toda a información no Blog de Música, onde tamén hai un montón de exemplos de danzas. 

Animádevos!!

Lendo na fiestra

Moitas grazas a todos por participar. 
Desexamos que vos guste tanto como a nós.

Feliz Día do libro

Propostas para celebrar o Día do libro

Ola familias!!

Nesta entrada imos recopilar diferentes opcións de actividades para poder celebrar este Día do libro.

O profe Xoanca creou esta sopa de letras para buscar que tres grandes figuras morreron este día 23 de abril, e ademáis a cidade que vai ser capital do mundo a partir de hoxe. Esperamos que a disfrutedes.



A mestra Esther tenvos preparado o conto Por cuatro esquinitas de nada, para poder disfrutálo non deixedes de visitar o seu blog, alí tedes máis contos e actividades:

A Asesoría de Bibliotecas Escolares Galegas facilítanos este texto que Manuel Gago creou especialmente para o día de hoxe. Merece a pena lelo con calma.

As editorias tamén se suman a celebración do Día do libro facilitando o encontro con autores, aínda que sexa a distancia!

- O grupo edebé vos invita a participar na presentación  e encontros dixitais con diversos autores.  Na súa canle de instagram. Máis información neste enlace.

- Santillana vos ofrece un encontro con Rosa Huertas, hoxe xoves ás 18:00h  para ler Las Brujas, de Roald Dahl.  Aquí tedes o enlace, onde tedes máis vídeos dispoñibles doutros escritores.



Recordade que nós temos pendente recibir as vosas fotos lendo dende a ventá!! Estamos recopilándoas todas e proximamente se publicarán!! Gracias por participar. 

Quédate na casa!

Este vídeo está feito por todo o equipo do CEIP Isaac Díaz Pardo, para animarnos un pouquiño! Xuntos o conseguiremos! Ánimo e Quédate na casa!


Tamén temos un vídeo feito por unha  familia de infantil, unha auténtica chulada!! Se algunha familia se anima a compartir a súas creacións estaremos encantados de poder mostrárvolas por aquí!

Entre todos é máis fácil!

Preparando o Día do libro

Boas a todos!!

Bulebule bótavos en falta pola biblio, pero sabe que seguides a ler nas vosas casas.

Sabemos que se acerca o Día do libro, 23 de Abril, e dende o cole sempre o celebramos por todo o grande facendo un intercambio de libros . Este ano non vai ser posible. Pero vos propoñemos outro tipo de intercambio.

Por que non compartimos fotos nosas lendo na nosa casa??

A idea é xusto esa, sacarnos fotos lendo dende a nosa ventá. Modificalas, se queremos, engadíndolle algún texto. E envialas por correo a bulebule@ceipidp.net.

Coas fotos que recibamos faremos unha presentación, e así poderemos compartir os nosos momentos de lectura cos compañeiros do cole. 

Aquí vos deixo dous exemplos, xa vedes que o punto de unión é o libro e a ventá. Podedes sacar a foto onde se vos vexa a cara ou non, decisión vosa. 

Animádevos a encher a rede de lecturas dende a casa!! 

Esperamos as vosas fotos!!