A festa do MAGOSTO é sempre moi
divertida. Os “reporteiros e reporteiras” do ENDL...recólleno...moi... ben. Fixádevos!!! Clicade na imaxe
23/11/14
20/11/14
Día Universal dos Dereitos dos Nenos e nenas
2/11/14
SAMAÍN
Os nosos compañeiros e
compañeiras do Equipo de Dinamización e Normalización
Lingüística prepararon esta presentación sobre a celebración do Samaín no noso
centro. A Bulebule gustoulle moito e agarda que a vós tamén.
SAMAIN 2014 on PhotoPeach
SAMAIN 2014 on PhotoPeach
28/10/14
OUTONO: MAGOSTO, SAMAÍN E DÍA DO PEÓN
Xa se achegan o Magosto e Samaín
Secretaría Xeral de Política Lingüística
Na páxina da
Secretaría Xeral de Política Lingüística podemos atopar unha compilación de
actividades para traballar estes días previos á celebración do SAMAÍN.
Para coñecer
novas, cantigas, refráns, adiviñas e outras moitas cousas sobre o magosto e o
Samaín podedes consultaer os seguintes enlaces. Animádevos ¡!!
Bulebule non quere faltar a esta cita:
O día do Peón é outra celebración que non vos podedes perder. Clicade na imaxe!!!
23/10/14
9/10/14
MOCHILAS VIAXEIRAS
Os libros gustan da viaxe e da sorpresa, agardan nos andeis ou nos expositores por esa man que, ao abrilos, poña en funcionamento a maxia da lectura.
A mochila viaxeira permitirá levar libros á casa para compartilos coa familia: ese conto que tanto nos gustou, ese libro de poemas que ten palabras fermosas, as imaxes dun libro que tanto me abraiaron, esa música que fai bailar ás pedras, unha película, un libro que fala do tema que andamos a estudar...
A mochila viaxeira está pensada para que, desde a Biblioteca Escolar, se poida organizar unha actividade que implique ás familias, e así proporcionar un motivo de encontro entre os distintos membros desta, tomando como motivo o mundo dos libros e da lectura.
A mochila é o
soporte que permite aos rapaces e rapazas levar á súa casa, en préstamo
temporal, uns materiais que reforcen o vínculo entre familia e escola na súa
labor común para a formación dos lectores máis novos.
A fórmula
para decidir quen se leva a mochila para a casa será variada: unhas veces por orde
alfabética outras por sorteo ou por orde de petición...
No que
solicitamos a colaboración das familias para expresar o que observan con respecto
aos hábitos de lectura dos seus fillos ou fillas, a súa opinión sobre a
actividade, as súas propostas de mellora…
Aí van tan contentos os de 4º e 2º coas súas mochilas cheas de historias...
29/9/14
ANIVERSARIO DE MAFALDA
O popular
personaxe de Quino cumpre este 2014 cincuenta anos e aínda que as súas tiras non
se publican dende 1973, segue sendo unha figura recoñecida a nivel
internacional, con fans en case calquera canto do planeta.
Joaquín Salvador Lavado, nace, fillo de
inmigrantes españois, andaluces, na cidade de...Mendoza (Arxentina) o 17 de xullo aínda que nos rexistros oficiais
conste nacido o 17 de agosto. Dende que naceu chamoullo Quino para distinguilo
do seu tío Joaquín Tejón,
pintor e debuxante publicitario con quen aos 3 anos descobre a súa vocación.
Comeza a escola primaria onde descobre que o seu verdadeiro nome é Joaquín...e vive as dificultades do seu personaxe Felipe: «Me angustiaba
tanto que en los primeros tres meses tenía malas notas, pero después terminaba
el año con notas altas, aunque nunca era el primer alumno y eso me daba bronca».
28/9/14
“ AS MULLERES PINTORAS, AS GRANDES ESQUECIDAS”.
O proxecto que
desenvolveremos dende a Biblioteca neste curso terácomo eixo as mulleres pintoras e leva como título:
“ AS
MULLERES PINTORAS, AS GRANDES ESQUECIDAS”.
As pintora elixida para
cada curso é:
- Infantil: Maruja Mallo
- 1º e 2º de Primaria : María Antonia Dans
- 3º e 4º de Primaria: Xulia Minguillón
- 5º e 6º de Primaria: Georgia O´Keeffe e Frida Kahlo
Bulebule non esquerá outras celebracións e actividades que teñan lugar no centro, pero agarda que a PINTURA vos resulte moi interesante!
12/9/14
BENVIDAS E BENVIDOS curso 14/15
BENVIDAS E BENVIDAS un ano
máis a este blogue da Biblioteca do CEIP Isaac Díaz Pardo.
E sobre
todo, Bulebule quere darlle a máis agarimosa benvida a todo o alumnado que vén
por vez primeira ao noso cole. Tamén botaremos en falta eses mozos e mozas que
remataron a súa estadía nestas aulas. E, como non, estrañamos xa a Mestres e
mestras e compañeiras e compañeiras que de seguro nos lerán desde
outros centros.Neste blogue atoparedes información sobre os libros de lectura que vos
recomendamos para este curso, sobre as novidades que se van fichando para a
biblioteca..., sobre as actividades que levemos a cabo desde o Departamento de
Dinamización da Biblioteca…
Para todos vós, sabedes que aquí tedes o voso espazo para compartirmos
lecturas, lingua, moitas actividades e amizade.
BO DÍA!
20/12/13
ENTREGA DE PREMIOS DO CONCURSO DE POSTAIS DE NADAL
19/12/13
10/12/13
ADEUS MADIBA. PRESO 466/64
Deixounos Nelson Mandela, PREMIO NOBEL DA PAZ e expresidente de Sudáfrica, Madiba como lle chamaban os seus.
Naceu o 18 de xullo de 1918, en Umtata (Sudáfrica), sendo os seus pais Henry Mandela e Nose Keni. Estudou dereito e traballo como avogado en Johannesburgo. Uniuse ao Congreso Nacional Africano (CNA) para combater pacificamente a discriminación racial que sufrían os negros.
En 1943, fundou a Liga Xuvenil e organizou mobilizacións de protesta, que foron reprimidas a sangue e lume. En 1961 fundou Umkhonto we Sizwe ("Lanza da Nación") para a loita armada. En 1962, foi capturado e condenado a cadea perpetua na illa Robben, fronte a Cidade
do Cabo.
A súa esposa Winnie Mandela e moitos seguidores esixiron a liberdade de Mandela e a abolición da segregación racial (apartheid). Moitos gobernos e personalidades do Mundo apoiárona, ata que en 1990 foi liberado polo presidente Frederik de Klerk. En 1991, derrogouse o apartheid. En 1993, Mandela e de Klerk gañaron o Premio Nobel de la Paz.
De 1994 a 1991, como presidente de Sudáfrica, Mandela tratou de reconciliar os sudafricanos e colaborou no cesamento de varias guerras africanas.
ATA SEMPRE MADIBA!!
ATA SEMPRE MADIBA!!
Deixovos aquí unha pequena presentación, con un montón de datos, de quen é Mandela:
VIDEOS:
Bulebule non quere deixar pasar a ocasión, nesta pequena homenaxe e recoñecemento a unha figura tan importante na historia contemporánea, e recomendarvos unhas lecturas moi interesantes:
É o meu desexo que a vozdo narrador de contos nunca morra en África,
que os nenos nunca perdan a capacidade de
ampliar os seus horizontes do mundo coa maxia dos relatos
Nelson Mandela.
Os regalos do Rei León, Mmadipetsane, A Princesa das Nubes ou Sakunaka, o mozo aposto son só algúns dos títulos dos contos queNelson Mandela recolle nesta magnífica antoloxía.
Con estes contos populares imaxinarémonos paisaxes exóticas, perigosas ou máxicas que percorren África de norte a sur; países como Marrocos, rexións da África Central e Oriental e pobos de Sudáfrica como os Nguni, Namaqualand ou os Xhosa.
En cada conto encontramos unha breve información sobre a súa orixe, a lingua na que se narraba, ou o griot que o relataba.
Chámome Nelson
Mandela e nacín en 1918 en Sudáfrica, o país máis meridional do continente
africano. Vin e fixen moitas cousas durante a miña longa vida, pero todo o
mundo me coñece por pasar máis de vinte e sete anos en prisión por defender a
igualdade entre negros e brancos no meu país. A esta reivindicación déuselle un
nome, a loita contra o apartheid.
8/12/13
"Como escribir un conto", con Manuel Guisande
Os nenos e nenas de 4º de primaria aprendemos e desfrutamos, grazas a unha actividade organizada polo Concello, do obradoiro " COMO ESCRIBIR UN CONTO", con Manuel Guisande,
É xa o segundo ano que nos visita Manuel, pero non deixa de encantarnos a actividade.
Currículum
Aportou á literatura infantil de Galicia, xunto co ilustrador Xosé Tomás, un personaxe entrañable como o paxaro "Rodribico": unha colección de contos editada por "Baía Edicións" no ano 2010 co que obtivo "Premio Literario Isaac Díaz Pardo" que concede a "Asociación Galega de Editores" e que xa foi traducida ao castelán e portugués. Estudou Dereito na Universidade de Santiago de Compostela e conta cun curriculum xornalístico que vai desde El Correo Gallego, o semanario El Orzán, El Ideal Gallego e os seus últimos 25 anos en La Voz de Galicia. Paralelamente, comeza no ano 2000 as súas achegas á cultura no apartado de humor, sendo xunto ao caricaturista Siro López coordinador do suplemento de humor "xatentendo.com" polo que recibiu o "Premio La Codorniz de Plata" e o "Premio de Comunicación Xunta de Galicia 2000".
Obras realizadas
É autor de obras de teatro como "Los aparcacientos de Pacópolis", xunto ao xornalismo Ramón Barrena. No ano 2008 abre o seu blog de humor costumista "Al fondo a la derecha", publicado na edición dixital de La Voz de Galicia, que na actualidade é un referente para estudantes de español na Universidade de Kentucky e o Molloy College de Nova York. En 2010 estréase como guionista coa curtametraxe "Garabolis" baixo a dirección do director Alfredo Pardo polo que é nomeado ao "Premio Audiovisual Mestre Mateo" no ano 2011 e chega á final no "Festival Internacional de Cine de Ourense".
Un dos contos da "Colección Rodribrico", concretamente "Rodribrico e a noite" está actualmente nomeado para a final do "Premio Literario Frei Martin Sarmiento”. Na actualidade colabora en "Radio Voz" cun monólogo de humor no programa “Corre Carmela que Chove", á vez que imparte conferencias e obradoiros didácticos sobre xornalismo e medios de comunicación, monólogos, cómo se escribe un conto infantil e realización de guións para teatro, radio e televisión.
BULEBULE DE CINE
Amantes da sétima arte!!: estades de noraboa. Bulebule acaba de aumentar a filmografía.
Agárdanvos novas películas na sección de filmes. Preguntade ás bibliotecarias!!
Suscribirse a:
Entradas (Atom)
