MOCHILAS VIAXEIRAS
Xa están nas casas as novas mochilas cargadas con novos contidos...
Os libros gustan da viaxe e da sorpresa, agardan nos andeis ou nos expositores por esa man que, ao abrilos, poña en funcionamento a maxia da lectura. A mochila viaxeira permitirá levar libros á casa para compartilos coa familia: ese conto que tanto nos gustou, ese libro de poemas que ten palabras fermosas, as imaxes dun álbum que tanto me abraiaron, esa música que fai bailar ás pedras, unha película, un libro que fala do tema que andamos a estudar...
FINALIDADE
A mochila viaxeira está pensada para que, desde a biblioteca escolar, se poida organizar unha actividade que implique ás familias, e así proporcionar un motivo de encontro entre os distintos membros desta, tomando como motivo o mundo dos libros e da lectura. A mochila é o soporte que permitirá aos rapaces e rapazas levar á súa casa, en préstamo temporal, uns materiais que reforcen o vínculo entre familia e escola no seu labor común para a formación dos lectores máis novos.
Coidádeas e desfrutade delas na compaña das vosas familias.
1 comentario:
Entre las mochilas que más recomiendo están las mochilas totto con ruedas, porque tiene un diseño increíble, cuidando nuestra columna vertebral y evitando desvíos.
Publicar un comentario