Biblioteca escolar, base de exploracións

"Biblioteca escolar, base de exploracións" é o lema elixido este curso para o cartel da campaña anual de bibliotecas escolares que a Consellería de Cultura, Educación e Ordenación Universitaria, enviará en breve a todos os centros públicos como reforzo das actuacións da biblioteca escolar e para apoiar a visibilidade dos seus recursos e das súas oportunidades de aprendizaxe. 

A imaxe do cartel responde á interpretación que deste lema fixo o ilustrador e autor de cómic FRAN BUENO,  e ten suficiente carga simbólica e información como para espertar o interese do alumnado.

En efecto, a biblioteca escolar pode ser a base desde a que explorar o mundo real, pero tamén os mundos imaxinarios; os materiais impresos e os recursos electrónicos achégannos informacións sobre todo aquelo que queremos coñecer e comprender; é un espazo para a investigación individual e para o traballo en equipo; é un espazo integrador cheo de oportunidades de aprendizaxe.

O lema "Biblioteca escolar, base de exploracións" chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, bota ao camiño a milleiros de persoas na procura dun mundo máis xusto. Convida a explorar o mundo e a compartir o aprendido. 

Bulebuleolímpico dá a benvida ao curso 2015/16

As olimpíadas  están inspiradas nas festas que durante séculos  se realizaron en honra ao deus Zeus na cidade de Olimpia, concretamente entre o ano 776 a.C. e o 392 d.C.

 Celebrábanse cada catro anos, e a este período de tempo que transcorría entre uns xogos e outros, chamábaselle Olimpíada. De aí como podes supoñer, vén o nome de Xogos Olímpicos.

Neles participaban atletas de toda Grecia que durante anos estiveran preparándose a conciencia para este evento. Os xogos tiñan un regulamento moi estrito e os participantes debían cumprir varios requisitos: nacer en Grecia, non ser escravos, non ser delincuentes, xurar o regulamento, aceptar o veredicto dos árbitros e outras normas que había que respectar.

Unha das máis curiosas, era que só podían competir homes, e debían competir espidos. As mulleres non podían participar nin acudir como espectadoras.

O tempo de celebración dos Xogos estaba considerado un momento de gozar e de paz,  así que estaba prohibido ir á guerra ou fabricar armas mentres durasen.

Os Xogos inaugurábanse e clausuraban con cerimonias e festexos que incluían desfiles, ofrendas aos deuses, sacrificios e banquetes para miles de persoas. Eran varias as competicións que se realizaban, como as carreiras, o lanzamento de disco e xavelina, as carreiras de cabalos, saltos de lonxitude, competicións de danza. Os gañadores eran aclamados pola multitude e a partir de entón considerados auténticos heroes. Alá onde ían recibíaselles con honras e como premio, pagábaselles unha especie de soldo para toda a vida.

Os Xogos Olímpicos celebráronse ata que os romanos conquistaron Grecia e o emperador Teodosio I decidiu prohibilos no ano 393 d.C.

Non volveron organizarse ata  finais do século XIX, en que un historiador francés, o Barón de Coubertin, tivo a idea de restablecelos. Varios países decidíronse a participar e creouse o Comité Olímpico Internacional, organismo que segue vixente hoxe en día.

Estas primeiras Olimpíadas da era moderna celebráronse en Atenas, en 1896, e as seguintes cada catro anos nunha cidade distinta do mundo ata a actualidade.

Só foron suspendidos durante a I e II Guerra Mundial.

En España, celebráronse nunha  única ocasión, en Barcelona no ano 1992. Dende hai varios anos, Madrid presenta unha candidatura para seren Sede Olímpica.

O noso centro, grazas a Bulebule, proclamouse sede honorífica  olímpica para este curso.

Animádevos e conseguiredes subir ao podio!

GRAZAS, GRAZAS GRAZAS... ÁS COLABORADORAS E COLABORADORES

CALENDARIO 2015

No cole fíxose un calendario para que nos acordásemos das datas...máis...sinaladas. Os compañeiros e compañeiras de Normalización Lingüística escolleron un refrán para cada mes.

A Bulebule gustoulle tanto que prometeu que será o agasallo para quen nos visite na Biblioteca.

Aí o tedes:

RECOMENDACIÓNS LECTURAS DE NADAL

Bulebule quérevos recomendar as seguintes lecturas para o voso tempo de lecer en Nadal. Pedir un libro como agasallo é sempre unha moi boa idea!!!

Día Mundial da Discapacidade

As Nacións Unidas declararon este día como o Día Mundial da Discapacidade.

Unha de cada sete persoas no mundo ten algún tipo de discapacidade, son 1.000 millóns. O tema deste ano é a reclamación de accesibilidade ás novas tecnoloxías. Imprescindible para acadar o estándar de vida do século XXI.

É TEMPO DE NADAL

Pouco a pouco vai chegando o tempo de Nadal Bulebule vai preparando unha selección de lecturas. Achegádevos pola Bibliioteca e verédeas…

CELEBRAMOS O MAGOSTO

A festa do MAGOSTO é sempre moi divertida. Os “reporteiros e reporteiras” do ENDL...recólleno...moi... ben. Fixádevos!!! Clicade na imaxe

Día Universal dos Dereitos dos Nenos e nenas

Hoxe celébrase o Día Universal dos Dereitos dos Nenos e nenas. Todos e cada un destes dereitos que están recollidos na DECLARACIÓN DOS DEREITOS DO NENO E NENA e na CONVENCIÓN SOBRE OS DEREITOS DO NENO E DA NENA, son inalienables e irrenunciables, polo que ningunha persoa debe vulneralos e todos debemos coñecelos. No seguinte video podemos ver cales son algúns deses dereitos:

SAMAÍN

Os nosos compañeiros e compañeiras do Equipo de Dinamización e Normalización Lingüística prepararon esta presentación sobre a celebración do Samaín no noso centro. A Bulebule gustoulle moito e agarda que a vós tamén.

SAMAIN 2014 on PhotoPeach

LECTURAS RECOMENDADAS PARA O SAMAÍN

OUTONO: MAGOSTO, SAMAÍN E DÍA DO PEÓN

Xa se achegan o Magosto e Samaín

Secretaría Xeral de Política Lingüística

Na páxina da Secretaría Xeral de Política Lingüística podemos atopar unha compilación de actividades para traballar estes días previos á celebración do SAMAÍN.

Para coñecer novas, cantigas, refráns, adiviñas e outras moitas cousas sobre o magosto e o Samaín podedes consultaer os seguintes enlaces. Animádevos ¡!!

Bulebule non quere faltar a esta cita:

O día do Peón é outra celebración que non vos podedes perder. Clicade na imaxe!!!

DÍA DA BIBLIOTECA

MOCHILAS VIAXEIRAS

Poñemos en marcha as MOCHILAS VIAXEIRAS

Poñemos en marcha as MOCHILAS VIAXEIRAS

Os libros gustan da viaxe e da sorpresa, agardan nos andeis ou nos expositores por esa man que, ao abrilos, poña en funcionamento a maxia da lectura.
A mochila viaxeira permitirá levar libros á casa para compartilos coa familia: ese conto que tanto nos gustou, ese libro de poemas que ten palabras fermosas, as imaxes dun libro que tanto me abraiaron, esa música que fai bailar ás pedras, unha película, un libro que fala do tema que andamos a estudar...

A mochila viaxeira está pensada para que, desde a Biblioteca Escolar, se poida organizar unha actividade que implique ás familias, e así proporcionar un motivo de encontro entre os distintos membros desta, tomando como motivo o mundo dos libros e da lectura.

A mochila é o soporte que permite aos rapaces e rapazas levar á súa casa, en préstamo temporal, uns materiais que reforcen o vínculo entre familia e escola na súa labor común para a formación dos lectores máis novos.

A fórmula para decidir quen se leva a mochila para a casa será variada: unhas veces por orde alfabética outras por sorteo ou por orde de petición...

No que solicitamos a colaboración das familias para expresar o que observan con respecto aos hábitos de lectura dos seus fillos ou fillas, a súa opinión sobre a actividade, as súas propostas de mellora…

Aí van tan contentos os de 4º e 2º coas súas mochilas cheas de historias...

ANIVERSARIO DE MAFALDA

O popular personaxe de Quino cumpre este 2014 cincuenta anos e aínda que as súas tiras non se publican dende 1973, segue sendo unha figura recoñecida a nivel internacional, con fans en case calquera canto do planeta.

Joaquín Salvador Lavado, nace, fillo de inmigrantes españois, andaluces, na cidade de...Mendoza (Arxentina) o 17 de xullo aínda que nos rexistros oficiais conste nacido o 17 de agosto. Dende que naceu chamoullo Quino para distinguilo do seu tío Joaquín Tejón, pintor e debuxante publicitario con quen aos 3 anos descobre a súa vocación. Comeza a escola primaria onde descobre que o seu verdadeiro nome é Joaquín...e vive as dificultades do seu personaxe Felipe: «Me angustiaba tanto que en los primeros tres meses tenía malas notas, pero después terminaba el año con notas altas, aunque nunca era el primer alumno y eso me daba bronca».